2. Pablo Picasso (1881-1973)

Heads of Rams (Têtes de Béliers)
Gerð: Lithograph, eintak 26/50
Stærð: 24 x 34,1 cm.
Ártal: 1945
Merkt

Um listamanninn

Pablo Picasso var einn af áhrifamestu myndlistarmönnum Evrópu á 20. öldinni. Hann átti stóran þátt í að móta kúbismann sem myndlistarstefnu í Evrópu en vann jafnframt þvert á miðla og stefnur alla sína tíð. Hann vann m.a. í málverkum, höggmyndum, keramik og leikmyndum. Þetta steinþrykk er af stúdíum Picasso af hrútshausum, og er nokkuð raunsæ miðað við þekktustu mótívin hans. Eintak af þessu verki er til í safni MoMa (sjá hér), og var m.a. sýnt á sýningunni „46 nýleg steinþrykk eftir Picasso“, sem haldin var í MoMa árið 1947. Þar voru m.a. sýndar stúdíur myndlistarmannsins, ýmist af fólki eða dýrum, og er bæði hægt að sjá raunsæ og kúbísk verk til sýnis (sjá hér). Í fréttatilkynningu sem send var út í tilefni sýningarinnar er talað um að tilgangur sýningarinnar hafi verið að sýna aðferðir Picasso í „Þróun myndar – tilfærslan frá hinu raunsæja í hið óhlutbundna,“ – að vinna myndefni niður í kúbísk form, að vinna sig úr raunsæum stúdíum yfir í að einfalda þau, „kubba niður“ og einfalda. (sjá hér) Á vef MoMa er fjallað um feril myndlistarmannsins þar sem talað er um að listamaðurinn hafi alltaf streist á móti flokkadráttum í myndlist og var stöðugt að höggva í almennar hugmyndir um línulega þróun í myndlist.